Bolkart üçün brending və reklam kampaniyası

“Bank of Baku” Azərbaycanda ilk tətbiq ediləcək, dünyanın başqa yerlərində isə geniş istifadə olunan taksit kartının kommunikasiyasının hazırlanması üçün bizə müraciət etdi. Məqsədimiz effektiv bir reklam kampaniyası yaratmaqla yanaşı, xarakter, şüar və rəng sxemi də daxil olmaqla hərtərəfli brend imici inkişaf etdirmək idi. Biz iki kampaniya üçün konsept, eləcə də “Bala bala ödə” şüarı hazırladıq və fərqli xarakter yaratdıq. Komandamız həmçinin kampaniya üçün mobil proqram, veb-sayt, audio və video məzmunu hazırlayıb inkişaf etdirib. Nəticə olaraq, Azərbaycanın ilk taksit kartı olan “Bolkart” xeyli populyarlıq qazanmış və bazarda lider mövqeyini bu günə qədər qoruyub saxlamışdır.

Sonrakı illərdə MasterCard ödəniş sisteminin Bolkart plastik kartlarına inteqrasiyası diqqətəlayiq hadisə oldu. Bu maraqlı xəbəri Bolkart istifadəçilərinə çatdırmaq üçün biz aydın və cəlbedici reklam kampaniyası hazırladıq. Məqsədimiz istifadəçilərə məlumat vermək idi ki, onların Bolkartları MasterCard ödəniş sisteminin qəbul edildiyi hər yerdə istifadə oluna bilər.

Biz Bolkart.az saytını mütəmadi olaraq yeniləyərək onun istifadəçilərinə yeni imkanlar təqdim edirik. Studiyamız vebsaytın dizaynını da həyata keçirmişdir.