BP Azerbaijan şirkətinin “27-ci Beynəlxalq Neft və Qaz sərgisi” üçün stend dizaynı

Jeykhun Imanov Studiyası hazırda Bakı Enerji Həftəsi kimi tanınan 27-ci Beynəlxalq Neft və Qaz sərgisində BP Azərbaycan stendi üçün dizayn hazırlayıb.

Dizayn konsepsiyası şirkətin ölkəmizlə tərəfdaşlığının 30-cu ildönümünə yönəldilib. Biz həmçinin şirkətin fəaliyyətini əks etdirən “enerji”, “dayanıqlı gələcək” və “net zero” anlayışlarını dizaynda tətbiq etdik. Bundan əlavə, komandamız əlyazma şriftlərindən və parlaq dinamik fotoşəkillərdən istifadə etməklə BP Azerbaijan şirkətinin korporativ üslubunda olan dəyişikliklərini vurğuladı.