"Şəhər" layihə

«Şəhər» Layihə çərçivəsində Bakının ruhunu və təəssüratını əks etdirən ifadələrlə şəhər gəzintisini daha maraqlı və interaktiv hala gətirməyi hədəflədik. Bu yazıları böyük ölçüdə hazırlamaqla onların vizual təsirini artıraraq diqqətçəkən məqamlara çevirdik. Eyni zamanda, bu ifadələr şəhər sakinləri və qonaqlar üçün foto çəkdirməyə maraqlı bir səbəb yaradır. Yazılar konseptual olaraq həm Bakıya aid edilə bilər, həm də onların önündə foto çəkdirən şəxslərə ünvanlanan və ya onların öz dilindən səslənən mesajlar kimi qəbul oluna bilər.

Layihəmizin “Şəhər” adlanan ikinci hissəsinin əsas məqsədi Bakıda tanınmış Azərbaycan rəssamlarının əsərləri ilə geniş auditoriyanı tanış etmək idi. Bununla biz həm ustadları və onların yaradıcılığını tanıtmaq, həm də şəhər məkanında vizual estetika anlayışını inkişaf etdirməyi hədəfləmişdik. Daha interaktiv yanaşma üçün əsərlər iri formatda təqdim olunmuşdu ki, tamaşaçılar onların fonunda şəkil çəkdirə bilsinlər, rəsmlər isə onlar üçün bədii dekorasiya rolunu oynasın və bu da onların mədəni qavrayışını daha da zənginləşdirsin.